الرياضيات في الحب

احد الاسئلة الوجودية اللي بنسألها لنفسنا هي: امتى توقف تدوير وتقول ان الشخص ده هو الشخص الامثل والمناسب ليا والمفروض خلاص ارتبط بيه؟ابسط، الرياضيات عندها اجابة للسؤال دهطبقا للوغاريتم اسمه optimal stopping الاجابة بتاعت السؤال دا هي:

ايه ده؟ يعني ايه 37% مش فاهم؟

بص يا سيدي، مشكلة الdating دي بتنتمي لنوع من المشكلات الرياضة بتحاول توصفه كالتالي:

انت بتبدأ اصلا في عمل علاقات عشان تكون اصلا benchmark او وجهة نظر وخبرة تمكنك تعرف مواصفات الشخص المناسب ليك ده ايه، والمشكلة هنا انه طب ما يمكن المثالي يكون اول واحد او تاني واحد او واحد من اللي عرفتهم في فترة محاولة تكوين الخبرة دي.

فعلم الرياضة بيقولك في النوع ده من المشاكل هدفنا نكبر احتمالية اننا نقابل انسب شخص وعشان نوصل لده محتاجين نعمل حسبة بسيطة كده:

هنفترض اننا بدأنا الدخول في علاقات من سن 16-17، واننا بنخش في علاقات بمعدل 2 في السنة مثلا، وانك مختار انك عايز تستقر عاطفيا مثلا في حدود 35 سنةفي الفترة دي هتكون كده دخلت في حوالي 40-45 علاقة.

الرياضة بقى بتقولك 37% من الرقم ده هيساوي 15 تقريبا، يبقى اعمل الآتي:اول 15 علاقة تخش فيهم دوس للآخر ميهمكش، بس من اول العلاقة ال16، اول علاقة تدخلها وتحس انها احسن من اللي فاتوا، بس هو ده اقف وهي دي افضل فرصة لانها تكون الsoul mate بتاعتكتقريبا يعني مفترض كده لو فضلت ماشي بمعدل علاقتين في السنة ده هتقابلها في ال24-25 (طبعا لو معدل علاقاتك اقل هتقابلها متأخر عن كده)

لو عاوز تجرب تلعب اللعبة دي وتغير في الفاكتورز والارقام دا calculator لذيذ تقدر تحط الارقام وطبقا لطريقة الحساب دي يقولك هتقابلها امتى:

بس خلي بالك، طبقا للنموذج ده هو بيقولك في النهاية ان احصائيا كده كده معدل نجاحك 37%نسبة

اعلى احتمال انك تقابل فتاة احلامك هو 37% مش اكتر

بالنسبة للناس اللي هتحس بالاحباط من نسبة ال37% ، متقلقوش، الرياضة حلول برضه

بص يا سيدي، فيه طريقة تانية توصل بيها لشخص مناسب بس مش الsoul mate المناسب بنسبة 100%، لأ هو مناسب بنسبة 73% بالظبط يعني.

مش وحش، لو افترضنا على مدار حياتك هتخش في 40 علاقة، يبقى تجيب الجذر التربيعي يعني قول 7، يبقى تdate اول 7 اشخاص، وابتداء من التامن، اول حد انسب اقفش فيه.

الرياضيات في الحتة دي كتيرة، ومش عايز الخبطكم، فيه نظريات كتيرة في ازاي تحسب العدد المتوقع انك تخش معاه في علاقة لان ده افتراض هيأثر على النتيجة النهائية اللي هتطلعها، وكمان الحسابات دي كلها مفترضة انه لما علاقت بتنتهي مينفعش ترجعلها ، لو دخلنا factor انه احتمال رجوع حد قديم هيغير حاجات في النسب، وكمان احتمالات رفضك انت شخصيا لما توصل للحد اللي انت عايزه، هل مفروض تخش على اللي بعده؟ طب كده فرصك قلت اد ايه؟ الmath هنا ممتع جدا بس نخليها لوقت تاني.بس

نسبة احتمال انك تلاقي الشخص المناسب تماما بالظبط ليك، هي 37%فكل علاقة طويلة ناجحة بين 2 مبسوطين فعلا مع بعض وبيحبوا بعض، هي فعلا بالمقاييس الرياضية معجزة!

لو حابب تقرى أكتر عن الموضوع جرب تدور على Secretary Problem على جوجل او Optimal stopping dating theory